Каково постановление шариата о муже или жене, совершивших зина? аннулируется ли их брак? сегодня за это смертную казнь не применяют в россии. если муж или жена совершат зина, распадается ли их брак?

БисмиллахIиррохьманиррохьим

Зинá дар уггар даккхийчу къинойх цхьаъ ду. Адамийн дахар талхочу уггар даккхий а, уггар боьха а бахьанех а ду иза.

Лекха хинволчу АллахIа аьлла бусалба нахе:

[Зинáна герга а ма гIойла шу, бакъдолуш иза – боьхалла а ю, вон некъ а бу].[1]

Делан Элчано – АллахIера салават а, салам а хуьлда цунна – аьлла: «Зинá дечо зинá дийр дац ша ийман чохь а волуш; къола дечо къола а дийр дац ша ийман чохь а волуш; къаьркъа молчо иза а мер дац ша ийман чохь а волуш».[2]

«Сан уммат дикаллехь лаьттар ду цунна юкъахь зинá даржжалц, ткъа нагахь санна цунна юкъахь зинá даржахь – АллахIа уьш берриге юкъахьовзо герга ду Шен Iазапана».[3]

«Цхьана нахана юкъахь зинá а, рибá а даьржар дац, цара шайна тIе АллахIан Iазап дожийна бен».[4]

Зинá оццул боьха доллушехь, иза доккха къа а доллушехь, нийса бина болу захалонан мах и бахьана долуш бухуш бац, стагна а, зудчунна а юкъахь нийса кхоллаелла доьзалан уьйр а и бахьана долуш галйолуш яц. Шейх ВахIбахI Аз-Зухьалийс аьлла: «Iелам-нехан бартхилла хIума ду, нагахь санна цхьана зудчо стагца зинá дахь, йа цуьнан майрачо зинá дахь, захалонан мах галболуш ца хилар».[5]

Зинá динчо цIенчу даггара, баккъалла а долу тоба дан деза, кхин оцу вочу хIуманна тIе ша юхавоьрзур вац аьлла сацам а беш, Деле даггара гечдар а доьхуш. Нагахь санна цо иштта тоба дахь, зинá дарна хIоттийна долу Делан таIзар цо шена тIехь чекх ца кхочуш ца хилийтича а и къа тIера долу цунна. Уггар коьрта дерг – тоба баккъалла а хилар ду. Цо баккъалла а тоба дахь – иза тоьар ду цунна, эхартахь Iазап ца хилийта.[6]

Къинхетаме а, къинхетам беш а волчу АллахIа аьлла:

[Ахь ала (Соьгара Сан лайшка): Дозанал тIехдовларца шаьш шайна зен дина долу хIай Сан лайш! АллахIан къинхетамах дог ма дуьллийла аш! Бакъдолуш, АллахIа гечдо массо къиношна! Бакъдолуш, Иза гечдеш верг а, къинхетам беш верг а ву].[7]

Делан Элчано – АллахIера салават а, салам а хуьлда цунна – аьлла: «Бакъдолуш, лекха хинволчу АллахIа буьйсанна Шен куьг (дIадаржадо) кховдадо, дийнахь вон леллачуьнга тоба дайтархьама; дийнахь а Шен куьг (дIадаржадо) кховдадо Цо, буьйсанна вон леллачуьнга тоба дайтархьама; (иштта хир ву Иза) малхбузенгара малх хьалабаллалц».[8]

Пайхамара – АллахIера салават а, салам а хуьлда цунна – кхин а аьлла: «Тоба даро дIадойъу шел хьалха хилларг».[9]

Ткъа, дика хуург АллахI ву!

17/05/2008