Хаттар:

Ассаламу Iалайкум! Багахь марха а долуш Iеттийча марха духий?

Жоп:

БисмиллахI, алхьамдулиллахI, вассолату вассаламу Iала росулиллахI!

Ва Iалайкум ассалам ва рохьматуллахIи ва баракатухI!

Абу ХIурайрас (Дела реза хуьлда цунна) дийцина, Делан Элчано (Делера салават а, салам а хуьлда цунна) элира аьлла: «Лаа а ца лууш Iеттийначо марха доькхуш кхаба ца деза, ткъа лаа а лууш ша Iеттавайтинчо марха доькхуш юха кхаба деза».[1]

Оцу хьадисо гойтуш ду, лаамаза Iеттор нисделча марха духуш ца хилар. Амма нагахь санна марха кхобучо ша́ шена Iеттавайтахь, цо ша́ цхьа бахьана а лелийна иза Iеттавахь, тIаккха марха духу, иза юха доькхуш кхаба а деза.

Ткъа дика хуург сийлахь АллахI ву!

21/08/2010 = ‏11‏/09‏/1431