Ассаламу 1алайкум!

Диллина кор долуш вижа ца мега олуш хезни шуна ?

баркалла!
 

Ва 1алайкум ассалам ва рохьматуллах1и ва баракатух1!

Диллина кор долуш вижа ца мега алар х1окху хьадисах схьадаьлла ду:
 

Делан Элчано – Делера салават а, салам а хуьлда цунна – аьлла: «Буьйса йоьллачул тIаьхьа – йа шаьш суьйренга доьвлча – шайн бераш чу а дерзадей, шайна уллохь совцаде аш, бакъдолуш, шайтIанаш дIасадаьржа шуна цу хенахь. ТIаккха и хан дIаяьллачул тIаьхьа, шайн чохь паргIат дита аш уьш, шайн неIарш а дIакъовла аш, Делан цIе а йоккхуш, бакъдолуш, шайтIано ца йоьлла шуна дIакъоьвлина неI. Шайн хи чудутту пхьегIаш а дIакъовла аш, Делан цIе а йоккхуш, шайн кхечу пхьегIашна тIе цхьа хIума йилле а, уьш а дIакъовла аш, Делан цIе а йоккхуш, шайн тогарш а дIадайъа аш».

Цу хьадисо гойту вайна, йиллина не1 йа кор долуш д1авижар дика ца хилар, шайт1а не1-кор къевлина долчу ц1а чу далуш ца хилар, бисмиллайца къевлина не1-кор шайт1ане схьаделлалуш ца хилар.

Амма шена цхьана бахьанна кор диллина дита лаахь, иза диллина дитича х1умма а дац, делахь а д1акъевлина хилча шайт1анан вуонна доьхьало хуьлу цунах.

Дала лардойла вай шайт1анах а, цуьнан вуонах а!
 

____________________________________________